Name, Setz ond Zwäck

Art.1
onderem Name „Kult-Ur-Fasnächtler“ bestod met Setz z’Lozärn e Verein gemäss Art. 60ff ZGB

Art. 2
D'Förderig vo de urspröngleche Kulturelle ond kreative Lozärner Fasnacht esch de Zwäck vo dem Verein. Au onderstötz är de Ustusch vo „wösse wie“ ond är pflegt es fröndschaftlechs, gselligs metenand. Zo dem Zwäck chaner au es ofenand abgstemts Ufträte vo de Metgleder a de Fasnacht fördere. De Verein esch politisch ond konfessionel neutral.

Mettu

Art. 3
Dass de Zwäck cha ereicht wärde beschafft sech de Verein die finanzielle Mettu:
1. Us Johresbiträg vo de Metgleder
2. Us Erlös vo Aktione und Verastaltige
3. Us Zuewändige vo öffentliche Körperschafte ond gmeinnözige Instituzione
4. Vo private Gönner
5. Us VermächtnisUsscheidendi Metgleder hend e kei Asproch ofs Vereinsvermöge.

Metglederschaft

Art. 4
Metgleder vom Verein chönid natürlechi ond iorestischi Persone wärde. Öber d'Ufnahm vo neue Metgleder entscheidet de Vorstand.

Art. 5
De Ustrett esch jedeziit möglech ond mos metere schreftleche Mitteilig a Vorstand igreicht wärde, öbere Usschloss vomene Metgled entscheidet de Vorstand. Dä Bschloss cha ennert drissg Täg metere schreftleche Erklärig agfochte wärde. De ändgöltig Entscheid werd a de Generalversammlig gfällt.

Art. 6
Keis Metgled esch haftbar. För Verbendlechkeite vom Verein haftet usschliesslech s'Vereinsvermöge.

D'Organ

Art. 7
D'Organ vom Verein send:
a) d'Generalverammlig
b) de Vorstand ond
c) d'Revisorestell

Generalversammlig

Art. 8
D'Generalversammlig werd einisch em Johr metere schreftleche Jladig, wo mendeschtens drü Woche vorhär bem Empfänger mues sie, iberuefe. D'Trakdande müend met de Jladig schreftlech bekannt gä wärde. E osserordentlechi GV cha of Bschloss vom Vorstand, oder vo füf Metgleder oder vomene füftel vo allne Metgleder abegährt wärde. Aträg, wo mendeschtens föfzäh Täg vor de GV em Vorstand schreftlech metteilt worde send, müend of de Trakdandelischte vo de GV stoh. Chömid Aträg spöter oder s’handlet sech nor om Froge, so werd das a de GV besproche, aber en Entscheid cha erscht innere spötere GV gfällt wärde.

Art. 9
De Vorsetz vo de GV füert de Presidänt. Wenn dä verhendert esch öbernemmts de Vizepresidänt. Öber d'Verhandlig mues es Protokoll gfüert wärde.

Art. 10
Folgendi Rächt sind de GV vorbehalte:
a) d'Wahl vom Vorstand ond de Rächnigsrevisore of d'Duur vo zwoi Johr.
b) s'abnäh vom Precht öber Tätikeite, vo de Johresrächnig ond vom Büdsche
c) Feschtsezig vo de Metglederbiiträg
d) Bschloss fasse öber e eimoligi Investizione und Usgabe osserhalb vom Budsche, wo tusig Franke
    öberstigid, öber e Erwärb ond Verchauf vo Legeschafte ond öbers Ufnäh vo Darlehe onds igo vo
    Bürgschafte.
e) s'Erloh vo Reglement
f)  Änderige vo de Stadute ond d'Uflösig vom Verein mit ere zwöidretel Mehrheit vo de awesende
    Metgleder.

Bschlossfassig

Art. 11
Jedes Metgled hed e Stemm. D' Bschlöss werded meteme eifache „Mehr“ vo de awesende Metgleder gfasst. Bi Stemmeglichheit entscheidet de Presidänt. Schreftlechi Bschlöss send möglech, wenn meh as d'Hälfti vo de Vereinsmetgleder zuestemmid.

Vorstand zämesetzig ond Organisazion

Art. 12
De Vorstand bestod us mendeschtens drüü, vo de GV gwählte Vereinsmetgleder för ne Amtsduur vo zwoi Johr. De Presidänt werd vo de GV gwählt. Em öbrige dod sech de Vorstand sälber feschtsetze. Es chönid vom Vorstand ond vo de GV Usschöss beldet wärde, wo einzelni Ufgabe mönd obernäh. Die stönd wederom onder de Ufsecht vom Vorstand.

Ufgabe, Verpflechtige

Art. 13
De Vorstand füert d'Aglägeheite vom Verein ond erlediget alli Gschäft met Usnahm vo dene, wo i de GV zuegwese send. Die rächtsverbendlech Onderschreft för de Verein füerid zwoi Vorstandsmet-gleder us, öber d'Setzige vom Vorstand muess Protokoll gfüert wärde.

Art. 14
Bschlöss vom Vorstand wärdid meteme eifache Mehr vo de Awesende gfasst.

Art. 15
D'GV wählt för d'Duur vo zwöi Johr e kompetänti Revisionsstell, wo ned ombedengt Metgled vom Verein sii muess. D'Revisionsstell prüft d'Johresrächnig ond erstattet Brecht ond Atrag a de GV.

Uflösig vom Verein

Art. 16
D'Uflösig vom Verein cha erfolge:
a) Wenn a sini Stell en anderi jurestischi Person, zom Bispel e Steftig, errechtet wird wo de Zwäck
    vom Art. 2 vo dene Stadute z'erfölle hed.
b) Wenn de Zwäck vom Verein nömme erfölt wärde cha. Em Fall vonere Uflösig muess s'Vereinsver-
    möge i einere oder mehrere gmeinnözige Ondernähmige zuefalle, wo d'Förderig vo de Lozärner
    Fasnacht zom Ziel hend.

Schlossbestemmige

Art. 17
Die Statute send a de GV vom sächste Mai 1993 agnoh worde ond trätid sofort i Chraft.

Lozärn, de zwöit im Heumonet 1993